kutubhona

– „Сиз илгари қараган қиблани Биз фақатгина ким пайғамбарга эргашиб, ким орқасига қайтиб кетишини билиш учун қилганмиз, холос. Шубҳасиз, бу оғир иш. Магар Аллоҳ ҳидоят қилган зотларгагина (оғир эмасдир). Аллоҳ имонларингизни (яъни, имон билан ўқиган намозларингизни) зое қилгувчи эмас. Албатта, Аллоҳ одамларга меҳрибон ва раҳмлидир“. [2:143]
ояти нозил бўлиб, мусулмонларни тинчлантирди. Яъни, сизларнинг олдинги қиблага қараб ўқиган намозларингиз ҳам қабул қилинган, уларнинг ҳам савобини оласизлар. Яна бир мисол: Пайғамбар с.а.в. айтадилар:

«اَلْإِيمَانُ بِضْعَ وَسَبْعُونَ شَعْبَةٌ أَعْلاَهَا قَوْلُ لاَ إِلَهَ إلاَّ اللهُ وَأَدْنَاهَا إِمَاطَةُ الْأَذَى عَنْ الطَّرِيقِ»
«Имон етмиш неча шоҳобчадир. Унинг энг юқориси Аллоҳдан ўзга илоҳ йўқ, деб айтиш, энг қуйиси эса йўлдан озорни (одамларга озор берадиган нарсани) олиб ташлашдир».33
Маълумки, йўлдан озорни олиб ташламаслик инсонни кофир қилиб қўймайди. Шунинг учун бу ердаги имон умуман Аллоҳга қилинадиган тоатлардир. Яна Пайғамбар с.а.в. айтадилар:

«لاَ يَزْنِى الزَّانِى حِينَ يَزْنِى وَهُوَ مُؤْمِنٌ»
«Зоний зино қилган пайтида мўмин ҳолида зино қилмайди...».34 Пайғамбар с.а.в. зонийни муртад сифатида жазоламаганлар. Унга зинонинг ҳади урилган. У мусулмон ҳисобланган. Унга жаноза ўқилган ва у мусулмонларнинг қабристонига кўмилган.

Пайғамбар с.а.в.нинг шу қилган ишлари бу ҳадисдаги имон сўзининг маъноси куфрнинг зидди (антоними) бўлган имон маъносида эмаслигига, у фақат зино жиноятининг жуда ҳам улкан гуноҳлигини англатишига қаринадир. Зонийнинг зино қилаётган пайтида имонини йўқотиши мажозий ибора бўлиб, бу жиноятнинг нақадар улканлигини англатади.
Мана шу айтиб ўтганларимиздан имон билан шаръий аҳкомлар ўртасида фарқ борлиги аён бўлади.

Ҳар қандай нуқсондан Пок Аллоҳимиздан сўраймизки, дилларимиз имон билан таскин топсин, гапимизда ҳам, ишимизда ҳам Ислом аҳкомларига амал қиладиганлардан бўлайлик, Аллоҳ бизни ўша Ўзининг инъомига мушарраф бўлганлар – пайғамбарлар, сиддиқлар, шаҳидлар, солиҳлар билан бирга қилсин.

(33) Бухорий: 8. Муслим: 50. Абу Довуд: 4056. Насоий: 4919. Ибн Можжа: 56. Аҳмад: 2/414.

(34) Бухорий: 6782. Муслим: 100, 105. Абу Довуд: 4689. Термизий 2625.